الأمان والثقة
بيانات شركتك بتاعتك، ومعزولة عن أي حد تاني
الصفحة دي بتقولك بالظبط بياناتك فين، ومين بيشوفها، وإيه اللي متاح النهارده وإيه اللي لسه بنشتغل عليه. من غير وعود مش هنقدر نوفّيها.
فين بيانات شركتك
أوروبا - فرانكفورت
متاح النهاردهقاعدة البيانات والملفات وحسابات الدخول متخزنة في فرانكفورت بألمانيا داخل الاتحاد الأوروبي، والتطبيق نفسه بيشتغل في نفس المنطقة. دي المنطقة اللي فيها كل الشركات النهارده، ومكتوبة في ملف كل شركة تحت «منطقة البيانات».
السعودية والخليج
مخططبنجهز نسخة من المنصة بقاعدة بيانات في منطقة الخليج للشركات اللي نظام حماية البيانات الشخصية السعودي (PDPL) أو قطاعها بيطلب إن البيانات تفضل في المنطقة. لحد ما تجهز، بتبان «قريباً» عند التسجيل. لو شركتك محتاجاها، قولنا وهنكلمك أول ما تجهز.
لما موظف AI بيرد أو يشتغل، الجزء اللازم من بيانات شركتك للطلب ده بس بيتبعت لمزوّد نماذج الذكاء الاصطناعي عشان يتعالج، وده بيحصل برا المنطقة. التفاصيل تحت في «بيانات شركتك وموظفين AI».
إزاي بنحمي بياناتك
عزل كل شركة
تشفير
ملفات خاصة
صلاحيات بأدوار
موظف AI بيشوف شركته بس
كل حاجة متسجلة
زرار إيقاف فوري
النسخ الاحتياطية والاستمرارية
نسخة احتياطية يومية
متاح النهاردهقاعدة البيانات بتتاخد منها نسخة كل يوم، ومحفوظ آخر 7 أيام في نفس المنطقة.
تجربة الاسترجاع بانتظام
مخططنرجّع نسخة في مشروع تجريبي كل 3 شهور ونسجّل النتيجة، واسترجاع لأي لحظة (Point-in-Time) مع زيادة العملاء.
بيانات شركتك وموظفين AI
- بنستخدم بياناتك عشان موظفينك يشتغلوا لشركتك بس، ومبنبيعهاش ولا بنشاركها مع معلنين.
- موظفين AI شغالين على نماذج مزوّد ذكاء اصطناعي خارجي عن طريق الـ API التجاري. طبقا لشروطه، مدخلات ومخرجات الـ API مبتستخدمش في تدريب النماذج، وبتتمسح من عنده في خلال 30 يوم في العادي.
- الطلب بيتبعت لمزوّد النماذج ومرجعه رقم الشركة بس، مش إيميل أو اسم حد من فريقك.
- سجل الاستهلاك عندنا بيحفظ عدد الكلمات (التوكنز) والتكلفة، مش نص المحادثة.
- صاحب الشركة ومدير النظام بينزّلوا نسخة كاملة من بيانات الشركة من «مركز الثقة» جوه التطبيق، وصاحب الشركة يقدر يمسحها بنفسه. وكل عضو بينزّل بياناته أو يمسح حسابه من «بياناتي وحسابي».
مين بيعالج بياناتك معانا
الشركات اللي بنعتمد عليها في تشغيل Compy. هننشر هنا أي تغيير في القائمة دي.
| المزوّد | بيعمل إيه | فين |
|---|---|---|
| Supabase | قاعدة البيانات، وتسجيل الدخول، وتخزين الملفات | الاتحاد الأوروبي: فرانكفورت (AWS eu-central-1) |
| Vercel | تشغيل الموقع والتطبيق | تشغيل الطلبات في فرانكفورت (fra1)، والملفات الثابتة من شبكة توزيع عالمية |
| مزوّد نماذج ذكاء اصطناعي | النماذج اللي بيشتغل بيها موظفين AI | الولايات المتحدة |
| مزوّدين صور وتفريغ صوت | توليد الصور للمصمم الجرافيكي وتفريغ تسجيلات الاجتماعاتمش مفعّل لسه | الولايات المتحدة وحسب مراكز كل مزوّد |
| Unsplash وPixabay وPexels | صور حقيقية مجانية للتصميمات وشغل موظفين AIبياخدوا كلمات البحث بالإنجليزي بس، من غير أي بيانات للشركة. لما يتفعّل | حسب مراكز كل خدمة |
| LiveKit | الاجتماعات الصوتيةلما يتفعّل | أقرب سيرفر للمشاركين |
| Paymob | الدفع بالكارتوضع التجربة لحد الدفع الحقيقي | مصر |
| Meta | واتساب وفيسبوك وإنستجرام، لو الشركة ربطتهم | حسب بنية Meta |
| Resend | إيميل لفريق Compy لما حد يطلب يكلم إنسانمش مفعّل لسه | الولايات المتحدة |
الشهادات والخطة
Compy لسه معاهاش شهادة أمان مستقلة. ده اللي بنشتغل عليه، وهنحدّث حالته هنا أول بأول.
اختيار منطقة البيانات
متاح النهاردهكل شركة بتشوف منطقة بياناتها عند التسجيل وفي ملف الشركة. النهارده المنطقة الوحيدة أوروبا - فرانكفورت.
تصدير البيانات ومسحها
متاح النهاردهصاحب الشركة أو مدير النظام بينزّل نسخة كاملة من بيانات الشركة وملفاتها، وكل عضو بينزّل بياناته هو. وصاحب الشركة يقدر يمسحها بمهلة 30 يوم يلغي فيها.
مركز الثقة جوه التطبيق
متاح النهاردهصفحة لصاحب الشركة ومدير النظام: البيانات فين، ومين يقدر يشوف إيه، وآخر دخول لكل عضو، وسجل تغيير الصلاحيات والتصدير والمسح.
منطقة السعودية والخليج
مخططنسخة منفصلة من المنصة بقاعدة بيانات في المنطقة، للشركات اللي محتاجة بياناتها تفضل قريبة أو جوه المملكة.
سياسات أمن المعلومات
بنشتغل عليهأمن المعلومات، والتحكم في الوصول، والاستجابة للحوادث، والاحتفاظ بالبيانات. أول نسخة مكتوبة وبتتراجع.
شهادة ISO 27001
مخططأول شهادة بنستهدفها لأنها الأكتر طلبا من الشركات في الخليج ومصر. بعدها تقرير SOC 2 لما عملاء دوليين يطلبوه.
اتفاقية معالجة البيانات
مخططاتفاقية (DPA) بتوقّعها شركتك معانا، ومعاها البنود التعاقدية القياسية من سدايا للشركات السعودية لحد ما منطقة الخليج تجهز.
التحقق بخطوتين (MFA)
متاح النهاردهأي حد يفعّله لحسابه بتطبيق مصادقة على موبايله، ومعاه أكواد احتياطية. صاحب الشركة يقدر يطلبه من كل الفريق، وقاعدة البيانات نفسها مبتفتحش بيانات الشركة بكلمة السر لوحدها.
اختبار اختراق مستقل
مخططشركة متخصصة تختبر المنصة وتنشر ملخص النتيجة هنا.
مزوّدين البنية اللي بنعتمد عليهم معاهم شهاداتهم: مزوّدين الاستضافة وقاعدة البيانات ونماذج الذكاء الاصطناعي عندهم تقارير SOC 2 Type II، وأغلبهم عندهم كمان ISO 27001. الشهادات دي بتاعتهم هم، مش بتاعة Compy.
القوانين
مصر
قانون حماية البيانات الشخصية رقم 151 لسنة 2020.
السعودية
نظام حماية البيانات الشخصية (PDPL) ولوائح سدايا، ومنها لائحة نقل البيانات خارج المملكة.
الإمارات
المرسوم بقانون اتحادي رقم 45 لسنة 2021 بشأن حماية البيانات الشخصية.
بنشتغل على التوافق مع القوانين دي، والمراجعة القانونية لسياسة الخصوصية والشروط جارية قبل الإطلاق الرسمي.
لو لقيت مشكلة أمنية
ابعتلنا من صفحة التواصل أو من «الدعم الفني» جوه حسابك، واكتب في أول الرسالة «بلاغ أمني». بنأكد استلام البلاغ في خلال يومي عمل، ولو حصل تسريب يخص بيانات شركتك بنبلغك في أسرع وقت ونقولك حصل إيه وعملنا إيه. من فضلك متجربش على بيانات شركات تانية.
آخر تحديث: 13 أكتوبر 2026